...Etiketak inprimatu
	Etiketak eskuz aukera daitezke edo bilaketa bat eginda hainbat parametroren arabera (izena, herria, probintzia...) Eskuzko aukeraketa Zerbait eskuz aukeratzeko, klik egin behar dugu bazkide lerroaren gainean. Komando + klik eginez (Macintosh-ean) edo Kontrol + klik eginez (Windows-ean), nahi ditugun fitxak aukera ditzakegu. Horrela, aukera daukagu etiketa bat edo batzuk inprimatzeko. Behin fitxak aukeratuta dauzkagula, Etiketak inprimatu botoia sakatu behar dugu, eta pantailan etiketa editore ahaltsu bat azalduko zaigu. Editore horrek aukera ematen digu etiketak guk nahi bezala diseinatzeko, nahi dugun tamaina, letra mota eta kolorea jarriz, eta aukera ematen digu, baita ere, etiketa bat inprimatzeko orrialdearen edozein tokitan. Programak aukera ematen digu etiketatan irudiak sartzeko, testuak lerrokatzeko eta diseinatutako plantillak gordetzeko Bilaketa bidezko aukeraketa Ez badugu eskuz lerrorik aukeratu, Etiketak inprimatu botoiari sakatzen badiogu, bilaketa egiteko aukera ematen digun pantaila bat agertuko zaigu. Bilaketa hori era askotara egin daiteke: altak eta bajak kontuan hartuta, herrika, probintziaka, ordainketa mota kontuan hartuz... Behin bilaketa egin eta gero, etiketa editoreak aukera emango digu nahi ditugun plantillak erabiltzeko. Plantilla diseinatzen hasi baino lehen, garrantzizkoa da Orrialdea egokitu botoia erabiltzea, editoreak kontuan izan ditzan gure inprimagailuaren inprimaketa marjinak. Etiketa editorerako trikimailuak 1) Eremuak lerrokatzeko, goiko lerrokatzeko botoiak erabiltzen dira.   2) Lerrokatze automatikoa egiteko beste modu bat: eremu bat eraman ezazu etiketaren plantillaren gainera; ondoren, Letra Larrien teklari sakatuz, eraman itzazu gainerako eremuak aurreko eremuaren gainera eta automatikoki lerrokatuko dira. Horrela egiteak daukan alde onetako bat hau da: etiketak eremu bat baino gehiago baldin baditu eta horietako bat hutsik baldin badago, ez da tarte zuririk geratzen goiko eremuaren eta behekoaren artean, behekoa gorantz mugitzen baitu. Adibide bat emango dugu: etiketa bat sortu dugu honako eremuak dituena: Izena, Harremana, Helbidea, Posta Kodea, Herria; Harremana eremua hutsi dagoen kasuetan, ez da tarte zuririk geratzen Izenaren eta Helbidearen artean, beste eremuak gora etortzen direlako eta Izena eremuaren azpian geratzen direlako.   3) Bi eremu lotzeko erabil daitekeen trikimailua. Adibidez, Posta Kodea eta Herria eremuak lotu nahi baditugu, honela egin dezakegu: etiketaren plantillan dagoen eremu baten gainera mugitu behar ditugu eremu horiek; hala eginez gero, honela geratuko litzateke: [Harremanak] Posta Kodea + [Harremanak] Herria.   4) Kokapena dioen tokian sar ditzakegu etiketen neurriak, puntutan, milimetrotan, zentimetrotan edo hazbetetan. Neurriak puntutan sartzea oso egokia izan daiteke; baina, aldez aurretik, ondoko kalkulua egin behar dugu: aurreneko pausua etiketaren tamaina hazbetetara pasatzea da; horretarako, honako zatiketa egingo dugu: etiketaren tamaina (zentimetrotan) zati 2,54; gero, emaitza 72rekin biderkatuko dugu (hazbete bat 72 puntu baitira). Puntuetan ez da dezimalik erabiltzen eta, beraz, emaitza borobildu egin beharko dugu (adibidez, 28,3 28 bihurtuko dugu; eta 28,8 ere 28 bihurtuko dugu).   5) Kokapena koskan dago, baita ere, Kode Estandarra aukera. Aukera horretan 6 etiketa formatu agertzen dira, aldez aurretik definituak. APLI etiketen formatu erabilienak dira.
	...